சிந்தித்து விடை கூறுங்கள்!

1. X என்பவருக்கு ஒரு பணியை முடிக்க 3 நாட்களும், Y என்பவருக்கு, அதே பணியை முடிக்க 6 நாட்களும் தேவைப்படுகின்றன. X, அப்பணியில், 2 தினங்கள் தனியாக ஈடுபட்ட பின், Y அவருடன் இணைந்து செயல்படத் தொடங்கினால், மீதி உள்ள பணியை முடிக்க எத்தனை நாட்களாகும் (X-ம் Y-ம் சேர்ந்து பணியாற்றும்போது, Y-இன் ஆற்றல் 20% கூடுகிறது என்றும், X-இன் ஆற்றல் 10% குறைகிறது என்றும் வைத்துக் கொள்ளும் பட்சத்தில்) ?

2. ஓர் அறையில் 3 விளக்குகளும், மற்றொரு அறையில் 3 சுவிட்சுகளும் பொருத்தப்பட்டிருக்கின்றன. ஒவ்வொரு சுவிட்சும் ஒரு விளக்குடன் மட்டுமே இணைக்கப்பட்டுள்ளது. ஓர் அறையிலிருந்து மற்ற அறையின் உள்ளே பார்க்க இயலாது. எந்த சுவிட்ச் எந்த விளக்குடன் இணைக்கப்பட்டுள்ளது என்பதை எப்படி கண்டறிவீர்கள் என்பதே உங்களிடம் கேட்கப்படும் கேள்வி ?

(இதற்கான விடையை முன்பே அறிந்தவர்கள், தயவு செய்து அடக்கி வாசியுங்கள்! மற்றவரும் சற்று யோசிக்கட்டுமே!!!)

விளக்குகள் இருக்கும் அறைக்கு நீங்கள் எத்தனை முறை வேண்டுமானாலும் செல்லலாம். எவ்வளவு நேரம் வேண்டுமானாலும் செலவழிக்கலாம், எதையும் சேதப்படுத்தாமல்! அடுத்து, நீங்கள் சுவிட்சுகள் உள்ள அறைக்கு சென்றவுடன், சுவிட்சுகளை எத்தனை முறை வேண்டுமானாலும் சேதப்படுத்தாமல் இயக்கலாம், அவ்வறையில் எவ்வளவு நேரம் வேண்டுமானாலும் செலவழிக்கலாம். அவ்வறையை விட்டு வெளியேறியவுடன், மறுபடியும் நுழைய அனுமதி இல்லை!

அடுத்து, உடனேயோ அல்லது சற்று நேரங்கழித்தோ விளக்குகள் இருக்கும் அறைக்கு நீங்கள் செல்லலாம். ஆனால், அங்கு சென்றவுடன் இப்புதிருக்கான விடையைக் கூற வேண்டும்!!! விளக்குகள் இருக்கும் அறைக்குள் செல்லாமலேயும் நீங்கள் விடை கூறலாம்!!! அப்படிக் கூறினால், நீங்கள் மேதாவி என்று தாராளமாக ஒப்புக் கொள்ளலாம்!!!

3. பொதுவாக, என்ன காரணத்தால் வட்ட வடிவ கழிவுக்குழி மூடிகள் (MANHOLES) சதுர வடிவத்தில் இருப்பவைகளை விட அதிக உபயோகத்தில் உள்ளன ?